Categories: 21/1/2023

ለውጥ አምጪ እጆች በ13ኛው ሳምንት… በፋብሪካ ወርክሾፕ

በወንጂ/ሸዋ ስኳር ፋብሪካ የክረምት የዝግጅት ምዕራፍ የጥገና መርሃ ግብር እየተጠናቀቀ በመጣበት በ13ኛው ሳምንት፣ የጥገናና የማሻሻያ ሥራዎች በተያዘላቸው ጊዜና ጥራት መሠረት እየተፈጸሙ ይገኛሉ። በተለይም በፋብሪካው ወርክሾፕ የተከናወኑ የጥገናና የማሻሻያ ሥራዎች የታቀደላቸውን ግብ በማሳካት የፋብሪካውን የቀጣይ የምርት ዘመን ዝግጁነት እያጠናከሩ ይገኛሉ። ይህም ፋብሪካው ወደ መደበኛ የምርት ሂደት በሚመለስበት ወቅት ከቴክኒክ መስተጓጎል ነፃ በሆነ ሁኔታ ሥራውን እንዲጀምር ጠንካራ መሠረት እየጣለ ይገኛል።

የፋብሪካው ወርክሾፕ በዋናነት የ“ቀዩ ዝሆን” ያካበተውን የውስጥ ቴክኒክ አቅም በመጠቀም የሚያስፈልጉ ማሽኖችንና የማሽን አካላትን ከመጠገን ባለፈ፣ በቀላሉ በገበያ ላይ የማይገኙ አካላትን በራሱ ባለሙያዎች በመሥራትና በማሻሻል ላይ ይገኛል። ይህ የውስጥ አቅም መጠቀም የጥገና ሥራዎችን በወቅቱ ለማከናወን ከማስቻሉም በላይ ከፍተኛ የውጭ ግዥና የጥገና ወጪን ለመቆጠብ አስተዋጽኦ እያደረገ ይገኛል።

ከፋብሪካው ሁሉም ፕላንቶች የሚሰባሰቡ የማሽን አካላትም ከክረምት የዝግጅት ምዕራፍ የጥገና ጊዜ ሰሌዳ ጋር በማጣጣም በቅድሚያ እየተለዩና እየተሰሩ ይገኛሉ። የጥገና ቡድኑም በየፕላንቱ ቅድሚያ የሚሰጣቸውን የጥገና ሥራዎችና የማሻሻያ ሥራ የሚፈልጉ ማሽኖችን በመለየት፣ በተያዘው የጊዜ ሰሌዳ መሠረት በቅድሚያ እያስፈጸመ ይገኛል።

አስፈላጊ የሆኑ የቴክኒክ ማሻሻያዎች በወቅቱ እንዲከናወኑ መደረጉ የማሽኖችን የማምረት አቅም ለማሳደግ፣ የሥራ አስተማማኝነትን ለማሻሻልና ፋብሪካውን ለቀጣዩ የምርት ዘመን ሙሉ በሙሉ ዝግጁ ለማድረግ ወሳኝ አስተዋጽኦ እያበረከተ ይገኛል። በዚህም የወርክሾፑ ሥራ በፋብሪካው የቀጣይ የምርት ዘመን ዝግጁነት ላይ የሚታይ በጎ አሻራ እያሳረፈ ይገኛል።

wssf